Lancers pilde
CEBU, Philippines - Hibaslan sa Ateneo-Blue Eagles-Team B ang University of the Visaayas (UV) Green Lancers dihang mikulit kini'g 79-53 nga kadaugan aron moabante sa Unigames finals batok sa National University (NU) Bulldogs karong adlawa didto sa Bacolod City.
Ang Lancers midaug unta sa elimination round batok sa Ateneo-B sa iksor, 94-84 apan pakyas sila sa ikaduhang hugna nga mao unta'y mas importante kaayong duwa.
Ang NU Bulldogs midaug sab batok sa University of Sto. Tomas (UST) Growling Tigers.
Busa, tungod sa maong kapildehan, ang UST maoy makigsangka batok sa UV alang sa ikatulong pwesto.
Matod pa ni Lancers' coach Felix "Donbel" Belano nga sayong na-foul trouble ang ilang import nga si Steve Cedrick Akomo ug ang big man nga si Hernal "Wowie" Escosio ug dugang pa gyud niana, wala sab makahuygo silang John Abad ug Alfred Codilla.
"We started flat. We under-estimated our rivals and our offense were so off," matod pa ni coach Belano kinsa mipasalig nga adto na lang sila mamawi sa Philippine Collegiate Champions League (PCCL) nga sugdan unya sa Nobiyembre 9.
Midugang si Belano sa pag-ingon nga "our loss was a learning experience so that we will be forced to try harder next time."
Sumala pa ni Belano nga kuwang sa effort ang iyang mga batos ug medyo gibati na og kakapoy.
Mahimo sab silang mobangon sa ilang pagkasukamod kung ilang mapilde ang UST aron dad-on dinhe sa Sugbo ang third place trophy. (BANAT NEWS)
- Latest
