PBA Pre-Season games sa Cebu

CEBU, Philippines - Sa dili pa magsangka ang igsuong koponan Meralco Bolts ug Talk  N' Text Tropang Texters, aduna unay ipahigayon nga PBA pre-season

tournament  nga  pagaulohan og "Cebu City Invitational Cup" sa Nobiyembre 7-9 diha sa Cebu Coliseum.

 Mga koponan nga mopakita'g aksiyon sa duha ka adlaw nga torneyo mao ang Commissioner's Cup champion Alaska Aces uban

sa Global Port Batang Pier, Barako Bull Energy Cola ug ang CM Farm, usa ka  commercial team sa Mindanao.

 Pahimuslan sa  Alaska, Global  Port ug Barako Bull  ang  maong torneyo agi'g pagpangandam  sa  PBA Philippine Cup nga

buksan karong Nobiyembre 17 diin magsangka ang managsuong koponan Meralco Bolts ug Talk N' Text  Tropang Texters diha sa Cebu

Coliseum.

 Sa ilang bahin, ang CM Farm sa Tagum City moduwa ubos sa giya ni University of the Visayas (UV) assistant coach Van Halen

Parmis ug langkuban kini sa mga Cameroonians, collegiate stars ug kanhi PBA players.

 Labing giatngan sa torneyo mao ang Alaska tungod kay moduwa ang garbo sa Sugbu nga si Dondon Hontiveros. Ang tanang

PBA teams  gipaabot nga moparada usab sa ilang mga PBA rookies nga makuha sa umaabot nga rookie draft sa Nobiyembre 3.

 Ang maong kalihukan gipasiugdahan sa Cebu Federation  of  Beat Journalists (CFBJ) uban sa pakigtambayayong sa Enya

Ideals. (BANAT NEWS)