La Salle hari sa UAAP Season 76
CEBU, Philippines - Mga krusyal nga puntos nilang Almond Vosotros ug L.A. Revilla maoy nagbaswat sa De La Salle University (DLSU) Green Archers ngadto sa 71-69 nga kadaugan batok sa University of Sto. Tomas (UST) Growling Tigers pinaagi sa overtime sa deciding Game-3 aron sakmiton ang korona sa UAAP Season 76 kagahapon didto sa Mall of Asia Arena.
Bisan og gilubong sila'g 15 puntos, naapas gihapon sa Green Archers ang maong biya ginamit ang 22-6 run aron molabaw, 47-46 sa katapusang 24 segundos sa third period sa three-pointer ni Vosotros.
Nahimong sikit ang duwa sa kinatibuk-ang fourth quarter ug human sa basket ni Jeron Teng nga naghatag sa Green Archers og 65-63 nga abante, nakapasulod sab og duha ka free throws si Aljon Mariano sa UST aron tablahon ang duwa sa 53.8 segundos. Mahimo untang bayani si Mariano, apan misipyat siya sa iyang jumpshot sa nahabiling sayes segundos sa regulasyon hinungdan sa overtime.
May higayon pa unta ang UST nga maka-double overtime, apan misipyat si Kareem Abdul sa iyang tirada sa nahabiling 2.5 segundos.
Gipangulohan ni Teng ang Green Archers sa iyang 25 puntos ug walo ka rebounds.
- Latest
