Cotto pinatulog si Rodriguez sa third round

ORLANDO, Fla. -- Hindi pa tapos ang boxing career ni world three-division champion Miguel Cotto ng Puerto Rico.

Nagmula sa dalawang sunod na kabiguan noong nakarang taon laban kina Floyd Mayweather Jr. at Austin Trout, umiskor ng ma­laking panalo si Cotto pa­ra sa kanyang pagbabalik sa aksyon.

Pinatumba ni Cotto si Del­vin Rodriguez ng Domi­nican Republic sa 2:42 ng third round sa kanilang non-title, junior middleweight fight sa Amway Center, ang arena ng NBA team na Orlando Magic.

Ang 32-anyos na si Cotto, sinanay ni trainer Fred­die Roach, ay pinano­od ng kabuuang 11,912, bo­xing fans, tampok dito ang isang malaking Puerto Rican contingent .

Sa opening round pa la­mang ay pinuntirya na ni Cotto (38-4, 31 KOs) ang bodega ng 33-anyos na si Rodriguez (28-7-3, 16 KOs).

At pagdating sa third round ay isang left hook ang nagpabagsak kay Rod­riguez kasunod ang mga ra­pido ng Puerto Rican.

“I felt the power go right through my arm. I hit him flush,” sabi ni Cotto sa naturang pagpapatumba niya kay Rodriguez.