Sunsport weekly camp ugma na, padayon pa modawat mga entrante
CEBU, Philippines - Padayonon ugma ang Sunsport basketball camp, apan ang mga tigpasiugda mipahibalo nga padayon pa gihapon silang modawat og mga entrante alang sa ilang senemanang basketball training program diha sa Sacred Heart Center Sports Club sa D. Jakosalem street, ning siyudad.
Ang lima ka semanang cage clinic himuon lang sa matag adlaw'ng Sabado diin adunay duha ka oras matag session.
Si camp director Giovannie 'Jojo' Romarate miingon nga sa ilang training, ang mga partisipante makat-on sa fundamental ug technical nga aspeto sa paugnat sa kusog.
"We will impart to our students the fundamentals of the sport such as proper shooting, dribbling, passing, footwork and other related drills," matud pa ni Romarate, ang kasamtangang head coach sa Salazar Colleges of Science and Institute of Technology (SCSIT) Skyblazers.
Sa registration fee nga P1,000, ang mga partisipante makadawat og upper jersey ug Sunsport basketball 2013 edition.
Alang sa dugang mga detalye, niadtong interesado mahimong mokontak ni Romarate sa 0933-
2677713/0921-2338305 o dili ba sa buhatan sa Sunsport sa 345-1015/0917-3205769/0922-8377712. (BANAT PALARO)
- Latest
