Ikatlong sunod na panalo target ng Judiciary laban sa PhilHealth

Laro Bukas

(Ynares Sports Center, Pasig City)

2:30 p.m. MMDA vs DOJ

4:00 p.m. PhilHealth vs Judiciary

5:30 p.m. AFP vs Congress-LGU

MANILA, Philippines - Nanggaling sa isang ma­laking panalo, pupuntir­ya­hin ng Judiciary ang ka­­nilang ikatlong sunod na panalo sa pagharap sa Phil­Health bukas sa pagpapatuloy ng 1st UNTV Cup sa Yna­res Sports Center sa Pa­sig City.

Magtatagpo ang Judi­ciary at ang Philhealth sa alas-4 ng hapon ma­ta­pos ang salpukan ng De­­partment of Justice at Me­tro Manila Development Authority sa alas-2:30.

Sa huling laro sa alas-5:30 ay magtatapat naman ang Armed Forces of the Philippines at ang Congress-LGU.

Ang banggaan ng Ju­di­ciary at PhilHealth ay isa­saere ng live sa UNTV Chan­nel 37.

Nagmula ang Judiciary sa 100-97 panalo kontra sa AFP noong Linggo para ma­kasalo sa ikalawang pu­westo ang PhilHealth, na­katikim ng 73-100 kabigu­an sa Philippine National Po­lice.

Muling babanderahan nina ex-pro Don Camaso at model John Hall, umiskor ng pinagsamang 47 points isa kanilang huling pa­nalo, ang Judiciary para sa hangad na automatic Fi­nal Four seat na ibibigay sa top two teams matapos ang single round elimination.