Torre nagpanikad na sa MMA
CEBU, Philippines - Nagpanikad na si kanhi URCC champion ug PXC veteran Victor 'Gladiator' Torre nga moangkon sa
bakanteng Ground and Pound Championship (GPC) flyweight title batok ni undefeated Cebuano fighter James 'Spider'
Serenio sa "Ground and Pound 7: Resolution" Mixed Martial Arts (MMA) showdown sa Agosto 31 diha sa Cebu
Coliseum.
Ang taga-Bacolod nga si Torre nga adunay 6-2 win-loss record, miingon nga ang pagdaog sa GPC belt
importante kaniya aron ibangon iyang MMA career human sa duha ka sunod-sunod nga pilde sa mga kamot ni Cebuano
Eugene Toquero ug Team Lakay member Jerome Wanawan sa PXC.
"Good luck to both of us, pero mas gusto ko talagang makuha ang belt," matud pa ni Torre.
"Kilala ako sa ground game ko pero ipapakita ko galing ko sa kickboxing."
Sangkaon ni Torre ang batan-ong MMA prospect nga si Serenio, kinsa walay pilde sa unom niya ka away
lakip na ang 45 second knockout niya nga kadaugan batok ni Jafet 'Smiling' Flores sa main event sa "Who Are You?:
Unleash D’ Unstoppable" fight card niadtong Hulyo sa miaging tuig didto sa Mandaue City Cultural and Sports Complex.
Ang Torre-Serenio bout maoy usa sa mga supporting bouts sa fight card nga bidahan ni Cebu-based British
fighter Cris 'Lindol' Brooks sa Yaw-Yan ArDigma Cebu, kinsa makigharong sa Davaoeño nga si Lloyd Abucayan sa
Mindanao's Beefit Pythons Pit alang sa bakanteng GPC heavyweight crown.
Ang mga tiket nagkantidad og P200 sa upper box, P400 sa lower box, P750 sa ringside ug P1,500 sa VIP
seats. Alang sa ticket reservations, mahimong motawag sa numero 0932-4524999. (BANAT NEWS)
- Latest
