Labog, Enriquez naghari sa Shell Batangas chessfest
MANILA, Philippines - Kinumpleto ng hindi pinaborang si Marc Labog ang panonorpresa nang kunin ang titulo sa kalalakihan sa 21st Shell National Youth Active Chess Championships Southern Luzon leg sa SM Batangas Event Center noong Linggo.
Winalis ni Labog ang huling apat na laro para makakawala sa naunang pagkakatabla kasama ang siyam na iba pang manlaÂlaro sa ikalimang puwesto.
Ang 35th ranked na manlalaro ng Adamson ay nanalo kay eight seed Gil Ruaya, sixth seed Jan Galan, dating solo lider at third seed Franz Gravil at 14th seed Jerome Villanueva para wakasan ang nine-round tournament bitbit ang walong puntos.
Angat si Labog ng isang puntos sa mga nagsalo sa ikalawang puwesto na sina Jeazzir Surposa, top seed Narquingden Reyes, Kevin Arquero at Ryan Magtabog pero si Surposa na manlaÂlaro ng La Salle ang nalagay sa ikalawang puwesto dahil sa mas magandang puntos sa tie-break.
Naging kampeon sa kababaihan si Jean Karen Enriquez na tinalo si RoÂweÂlyn Acedo sa tie-break.
Isang mag-aaral ng NU, si Enriquez na nalagay sa tabla sa fifth place bitbit ang tatlong puntos matapos ang apat na rounds, ay naÂnalo kina Eloisa Sta. Rita, Mariel BaÂtulan at dating lider VeÂnice Vicente para makalikom ng anim na puntos kaÂÂsama si Acedo.
Sa pangyayari, sina Labog at Enriquez ay aabante sa Grand Finals na itinakda mula Setyembre 14 at 15 sa SM Megamall.
Ang torneo ay may basbas ng National Chess Federation Philippines at suportado ng Shell Fuelsave Unleaded at Diesel, Shell Fuel Oils, Shell V Power Nitro at Shell RiÂmula.
- Latest
