Sunsport mitanyag senemanang training camp
CEBU, Philippines - Tingklase na usab, apan ang aspiring Cebuano hoopsters aduna gihapoy panahon sa pagbaid sa ilang talent dihang ang Sunsports mitanyag og senemanang basketball training camp sugod sa Hulyo 6 didto sa Sacred Heart Center Sports Club sa dalan D. Jakosalem, ning siyudad.
Ang lima ka semana nga basketball clinic himuon sa matag adlaw'ng Sabado gikan sa Hulyo 6 hangtod sa Agosto 3 nga adunay duha ka oras matag sesyon.
Si camp director Giovannie 'Jojo' Romarate miingon nga sa maong training, ang mga partisipante makat-on sa fundamental ug technical nga aspeto sa sports.
"We will impart to our students the fundamentals of the sport such as proper shooting, dribbling, passing, footwork and other related drills," matud pa ni Romarate, ang head coach karon sa Salazar Colleges of Science and Institute of Technology (SCSIT) Skyblazers.
"Aside from that basics of basketball, they will also be taught on some offensive and defensive strategies, on-court communication and other technical aspect of the game," dugang pa Romarate.
Aduna kini registration fee nga P1,000 libre na ang upper jersey ug usa ka Sunsports basketball 2013 edition.
Alang sa dugang mga kasayoran, mahimong mokontak ni Romarate sa 0933-2677713 ug 0921-2338305 o diba sa buhatan sa Sunsport sa 345-1015, 0917-3205769 o 0922-8377712.
- Latest
