V-Bells pinayukod ng Indonesia

MANILA, Philippines - Nabigong mapanatili ng Team Philippines ang ma­­gandang panimula nang isuko ang 20-25, 19-25, 22-25 pagkatalo sa In­donesia sa pagtatapos ng Asian Southeastern Zone Women’s Volleyball qualifier noong Linggo sa Quang Tri, Vietnam.

Nasayang ang 16-11 ka­lamangan na hina­wa­kan ng koponan nang ku­mulapso sa labanan.

Ganito rin ang nangyari sa second at third set at sa huling set ay hinawakan ang 16-14 bentahe.

Pero sadyang wala sa koponan ang suwerte da­hil 11 sa 17 puntos na pinag­labanan ang ki­nu­ha ng Indonesia na wi­nakasan ang apat na nas­yon, tatlong araw na torneo sa ikalawang puwesto sa  2-1 karta.

Si Dindin Santiago ay may­roong 14 hits, si Jaja Santiago ay may 11, habang sina Maika Ortiz at Alyssa Valdez ay naghatid ng 10 at 9 hits.

Nalaglag ang Pilipinas sa ikatlong puwesto sa 1-2 baraha  matapos matalo sa host Vietnam sa straight sets.

Ang tanging panalo ay naiposte sa Myanmar sa larong tumagal ng apat na sets.

Hindi man pinalad, res­petadong pagtatapos pa rin ang naiposte ng ko­ponan.

Target ng grupo na ma­kasali sa isang invitational tournament sa Vietnam sa Hulyo.