Prime Asia daog na sab, 7-0 na sa Partner's Cup

CEBU, Philippines - Nagkinahanglan lang ang Prime Asia Lending/UV Lancers pagpabuhagay og mga puntos sa third quarter aron modaog batok sa Lion Tiger/USPF Panthers,  87-78 ug ingon man paglansang og 7-0 sa Enervon CESAFI Partner's Cup 2013 basketball tournament niadtong Huwebes sa gabii didto sa Cebu Coliseum.

Raphael’s Café vs. Gaisano Capital-UC

 Ang beteranong pointguard nga si John Michael Abad maoy naghatag og labad sa Lion-Tiger nga miposa sa tanan niyang 20 puntos sa third period diin ang Prime Asia miinat sa labaw.

 Ang basket ni reigning CESAFI MVP nga si Wowie Escocio maoy naghatag sa Prime Asia sa ilang labing

dakung labaw nga 25 puntos, 78-53 sa sayong bahin sa final period.

 Si Escocio mihipos og 13 puntos, samtang ang Nigerian recruit nga si Steve Cedrick Akomo miamot og 11 puntos alang sa Prime Asia nga naglaraw mohimo'g laing clean sweep.

 Si Joseph Sedurifa miiskor og 19 puntos alang sa Lion Tiger nga nagtangag karon og 2-5 nga baraha.

PUNTOS MATAG USA

 Prime Asia (87) - Abad 20, Escocio 13, Akomo 11, Mendoza 10, Marquez 9, Babia 7, Cabañero 6, Fajardo

5, Codilla 4, Perolino 2

 Lion Tiger (78) - Sedurifa 19, Virtucio 11, Sollano 10, Delalamon 6, Borces 6, Escanilla 3, Pogoy 3, Batucan

3, Mangaron 3, Cavalida 3, Ceniza 3, Sastrillas 2, Cando 2, Abesia 2, Camello 2 (BANAT PALARO)