MBD Law Firm temporaryong nagsolo sa liderato sa 6th FYA basketball tournament

CEBU, Philippines -  Wala pabangbang ang MBD Law Firm sa ilang paglubong sa GCM-Brasil, 91-77 aron magsolo sa liderato sa 6th season sa F. Llamas Youth Association (FYA) basketball tournament didto sa barangay Tisa gym, ning dakbayan.

 Si Nico Laborte miburak og 29 puntos aron mahimong topscorer sa MBD Law Firm nga kasamtangang nagbitbit   og    3-0 nga baraha.

 Ang kanhi UC Webmaster nga si Daniel Enriquez      miamot  og 17 puntos.

 Sa laing duwa, midaog na gyud sud sa tulo ka duwa ang Pastrano’s Special Chicharon human ilang gilumpag ang Harold’s Hotel sa iskor nga 81-75.

 Sila si Janus Abellana ug Toper Lavandero parehong miiskor og 17 puntos aron pangulohan ang Pastrano's Special Chicharon, samtang miiskor og 12 puntos matag usa sila si Wako Dacayana ug Ariel Mayol sa maong kadaugan.

 Si Dondon Cadungog maoy nangu sa 0-3 nga Harold’s Hotel pinaagi sa iyang 20 puntos, gisundan nilang Toper Marata ug Shun Cal nga adunay 11 puntos matag usa ug Ep-ep Tolentino sa iyang 10 puntos.

PUNTOS MATAG USA

Unang duwa:

 MBD Law Firm (91) - Laborte 29, Enriquez 17, Lastomen 14, Arreglo 10, Masongsong 9, Medalle 4, Abella

4, Canete 2

 GCM (77) - Tapdasan 16, Oropa 14, Laborte 13, EJ Fernandez 11, Regadas 11, E. Fernandez 5, Palo 4,

Monte 3, Avila 1

Ikaduhang duwa:

 Pastrano’s (81) - Abellana 17, Lavandero 17, Dacayana 12, Mayol 12, Sydiongco 8, Conde 5, Carsano 4,

Abella 2, Haincanto 2

 Harold’s Hotel (75) - Cadungog 20, Cal 11, Marata 11, Tolentino 10, Sabalande 8, Trinidad 5, Batoto 5,

Macachor 3, Glodove 2