Morales inangkin naman ang stage 12; Barnachea tumabla kay Oranza

TUGUEGARAO, Cagayan, Philippines  -- Ginamit ni Navy-Standard rider Santy Bar­nachea ang kanyang eksperyensa sa patag na kalsada sa Cagayan para makatabla sa overall lead si Ronald Oranza ng PLDT-Spyder ang unahan para sa  huling apat na yugto ng 16-stage, 21-day Ronda Pilipinas 2013 kahapon.

Nakadikit ang 36-anyos na si Barnachea sa 12-man lead pack sa huling 10-km stretch at tumapos ng mas maagang 12 segun­do kontra kay Oranza sa 101-3-km Stage 12 na pi­nakawalan sa Aparri.

Tinawid ng tubong Uminggan, Pangasinan na si Barnachea ang finish line na 16 segundo ang ag­wat kay lap winner at Na­vy-Standard teammate na si Jan Paul Morales.

Tumabla si Barnachea, ang 2011 Ronda champion at nagkampeon sa Tour no­ong 2002 at 2006, kay Oranza sa magkatulad ni­lang 42 oras, 32 minuto at 32 segundo.

Ngunit isusuot ni Oranza ang LBC red jersey sa 204.4-km Tuguegarao-Solano Stage 13 na naka­takda ngayong umaga.

Nagkaroon ng proble­ma si Oranza at naipit sa du­long grupo at tumapos na may oras na  2:14.02 kasunod si LPGMA-American Vinyl bet John Ricafort, nadiskuwalipika dahil sa ka­biguang makuha ang time limit.

Inihayag naman ni Ronda media director Jocel de Guzman na si Oranza ang mu­ling magsusuot ng red jer­sey.

Ang iba pang nasa Top 10 ay sina Ronald Gorantes (42:33.41) ng Roadbike Philippines, El Joshua Carino (42;37.52) ng PLDT-Spyder, LPGMA-American Vinyl pride Cris Joven (42:37.57), Mark Galedo (42:45.50) ng Roadbike Phl, VMobile-Smart rider Joel Calderon (42:46.21), Team Tarlac cyclist Tomas Martinez (42:46.51) at Navy-Standard veteran Lloyd Lucien Reynante (42:47.06).