SHS-AdC Magis Eagles-A nangharos sa elim

CEBU, Philippines -   Giharos sa Sacred Heart School-Ateneo de Cebu (SHS-AdC) Magis Eagles-Team A ang ilang upat ka duwa sa elimination round human nila gilat-an ang  University of San Carlos  (USC) North Campus, 80-45 sa Seaoil National Basketball Training Center (NBTC) sa miaging adlaw didto sa City Sports Club-Cebu gym sa Cebu Business Park.

 Isip No. 1 sa Bracket-A, ang Magis Eagles makigsangka sa Cebu Eastern College (CEC) Dragons, ang no. 2 seed sa Bracket B sa crossover semifinals.

 Ang CESAFI MVP nga si Henric Dawn Ochea, maoy nangu sa Magis Eagles sa iyang 17 puntos, gisundan ni  Arc Gabriel Araw-araw nga adunay 12 puntos. Ang natagak nga USC-North gipangulohan ni Dolan Adlawan sa iyang 12 puntos. (BANAT SPORTS)