Paabuton sa 2013

Happy "Three Kings" mga tirador!

 Dugay-dugay gyud kitang nibakasyon niining atong lindog, apan sige lang  kay karong "Year of the Water

Snake" ato ning kompletohon kutob sa mahimo.
 Unsa  kahay paabuton natong kulbahinam nga mga kumbati karong tuiga gawas lang aning bugnong lugaynon sa

Mayo.
 Ang tuig 2012 bati alang sa atong idolong si Manny  Pacquiao tungod sa duha ka sunod-sunod nga kapildihan

nga gituldokan og usa ka ngil-ad kaayong knockout nga gihatag ni Juan Manuel Marquez. Hinuon, duna nay iskedyul nga

moaway og balik si Pacquiao karong  Septiyembre. Unta ang kaandam niya sa uwahi niyang away kang Marquez

magpabilin gihapon, apan mas magbantay na unta siya'g maayo.
 Kun mahinayon man ang ilang ikalimang showdown, makaingon ta nga mas ma-excite na kaayo karon ang mga

boxing fans. Una, wala pa sukad mapakatulog ni Pacquiao si Marquez. Kaduha na pildiha ni Pacquiao si Marquez apan

basi lang sa puntos. Tabla ang una  nilang sangka.  Apan sa ikaupat, aw nakakita man kitang tanan siguro sa resulta adto.

Sa bag-ong training ni Marquez makita nga migawas gyud ang iyang power ug maayong taktika nga pahaom lang gyud sa

estilo ni Pacman.  Nindot nga paabuton ang ikalima nilang sangka, nga unta mahinayon gyud, aron maselyohan na gyud ug

kun nalawos na ba gyud si Pacquiao.
 

* * *
 

Apan unsa kining nanggawas nga report gikan sa GMA News.tv ug bisan na sa Philboxing.com nga naghisgut

nga dunay mga senyales nga posibleng adunay "Parkinsons Disease" si Pacquiao. Basi daw kadto sa nakita sa presidente sa

 Association of  Private Hospitals of the Philippines.
 Sa akong tan-aw husto ang pamahayag sa tigpamaba ni Pacquiao nga si Rose Tamayo sa pagsaway kang Dr.

Rustico Jimenez,  usa ka expert neurologist. Dili kini angay mohatag og ingon niana ka sensitibong komento kun ang iyang

gibasihan lang mao ang video footage ni Pacquiao.  Kinahanglang pruybahan kini sa mga eksaminasyon ug uban pa. Duna

kini dili maayong ibunga sa imahe ni Pacquiao, apan dili usab kini angay taguon  ang tinud-anay nga kahimtang sa

Pambansang Kamao. Dili ba mga Tirador?
 

* * *
Laing nindot nga paabuton ang umaabot nga sangka  ni Nonito   Donaire Jr. nga gikatakdang mosaka og

timbang karong tuiga. Wala pa man tuod makaabot sa level ni Pacquiao si Donaire, apan aduna kini kaugalingong signature

moves nga iya ra gyud ni Donaire nga ganahan ang mga boxing fans.  Plano ni Donaire nga mosaka sa 126 pounds o

featherweight. Wow nindot ni nga challenge alang kang Donaire kay nagkaanam man kadaku ang iyang lawas.
 Ang featherweight division giharian karon nila ni Daniel Ponce de Leon (WBC), Chris John (WBA), Billy Dib

(IBF),  Orlando Salido (WB), ug Dau Yordan (IBO). Hala pili lang nila Nonito!
 PAGTULON-AN: Dili masukod ang usa ka butang kun dili inaton ang kinatumyan niini.
 PAHIBALO: Ang Alpha Sigma Omega International Collegiate Service Fraternity mopahigayon sa   ilang 2nd

Annual Convention sa Enero 19, 2013 sa samang binyu niadtong milabay’ng tuig.  Aduna kini registration nga  P300 matag

usa  (subject to changes) alang sa libreng pagkaon, snacks, ug giveaway token. Alang sa mga buot motambong pakigkita sa

mga chapter presidents ug GSAC officers ingon man sa National Board.
 [email protected]