Kasado na ang lahat para sa Stags Run 3
MANILA, Philippines - Handa na ang lahat para sa gaganaping Takbo Para sa Bokasyon na itataguyod ng San Sebastian College-Recoletos sa Enero 13 sa ASEANA City na malapit sa Mall of Asia sa Pasay City.
Ito ang ikatlong sunod na taon na gagawin ang patakbo na ang layunin ngayon ay makalikom ng pondo para igugol sa mga proyekto ng Order of Augustinian Recollects.
“This is the third time we’re holding an event like this and like last year, we hope to get some funds to bankroll our educational apostolate not just in Siera Leone in Africa but also in Palawan,” wika ni San Sebatian president Fr. Anthony Morillo, OAR.
Naniniwala ang organizer na mas marami ang susuporta sa edisyon ito dahil layunin din nila ang makatulong sa pagpapaganda ng kalusugan gamit ang pagtakbo.
Halagang P500 ang registration fee at nakikita ni Fr. Morillo na lalampasan ang 5,000 runners na nakiisa noong 2012.
Si Rev. Fr. Joel Alve, OAR-overall chairman ng Stags Run 3 at vice president ng student welfare ay nagsabi na ang paglalabanang kategorya ay nasa 3k, 5k at 10k distansya.
Ang mga Stags cagers tulad nina Calvin Abueva, Ian Sangalang at Rommel Adducul ay lalahok din.
- Latest
