Hermag Village na-disqualify sa "Lord of the Rings - Battle of the Villages"
CEBU, Philippines - Hisakpan nga mipasulod og tulo ka kanhi commmercial players ang Hermag Village hinungdan sa ilang pagka- disqualify sa nagpadayong torneyo sa "Lord of the Rings - Battle of the Villages" didto sa J Centre Mall basketball court sa A.S. Fortuna St., Mandaue City.
Wala hinuon nganli ang mga players kinsa napamatud-an nga kanhi mga commercial players.
Ang mga organizers sa torneyo nga gipangulohan ni HoopStars commissioner Cerwin T. Eviota mihukom nga taktakon sa torneyo ang Hermag Village human miangkon ang ilang team manager nga Archt. Dale Singuran nga adunay mga kanhi commercial players nga ilang gipaduwa.
Si Singuran pormal na sab nga nangayo'g pasaylo sa ilang kalapasan ug mihangyo nga motiwas lang sila’g duwa sa playoff ug dili na nila paduwaon ang ilang tulo ka kuwestiyonableng players.
Tungod sa pagka-disqualify sa Hermag Village nga mao unta ang topseed sa Bracket B atol sa playoff, ang no.
2 team nga Panagdait Slashers mao na ang numero uno ug makabaton pa kini og "twice-to-beat" advantage batok sa moguwang no. 2 team sa Bracket A.
Ang no. 3 team Summerville maoy makigsangka batok sa no. 1 team sa Bracket A atol sa crossover semifinals.
Sa laing duwa, gipahugtan sa Greenhills Subdivision ang ilang paghupot sa no. 1 spot ubos sa 19-under teens
category human ilang gimasaker ang St. Louis Cebu College (SLCC) sa iskor,77-25. (BANAT SPORTS)
- Latest
