Samsam Gullas moto-x sa Talisay moulbo ugma

CEBU, Philippines - Mga beterano ug sumusulbong nga riders dinhi sa Sugbu ang mag-abot sa Kopiko Astig-1st Samsam Gullas Motocross Cup nga gitakda ugma didto sa gipatukod nga race course duol sa Talisay City Hall.

Ang Cebuano teen rising sensation nga si Jon-jon Adlawan maoy mangulo sa mga elite riders nga mosalmot sa maong torneyo.

Lakip sa makiglumba ni Adlawan mao ang laing notadong rider nga sila si Glenn Aguilar ug Bornok Mangosong.

Gawas sa elite riders, dul-an sa 100 usab ka riders ang gipaabot nga mosalmot sa lumba nga gipasiugdahan sa PowerSports Racing.

Ang maong lumba usa sa mga highlights sa nagsingabot nga kapistahan sa Sta. Teresa de Avila, ang mahal nga patrona sa Talisay.  (BANAT SPORTS)