CEBU, Philippines - Kontra ni AJ 'Bazooka' Banal nga si Thai boxer Pungluang Sor Singyu ang sayong moabot dinhi sa Pilipinas aron makapangandam og maayo.
Sila si Singyu ug Banal magsangka alang sa WBO bantamweight title sa "Pinoy Pride XVII: Philippines vs. the World" sa Oktubre 20 didto sa SM Mall of Asia Arena sa kaulohan.
Si Sor Singyu uban ang iyang trainers gikatakdang moabot sa nasud sa Oktubre 16 sa tuyo nga makahimo pa og final training aron maseguro ang ilang kadaugan batok sa ALA boxing superstar.
Nasayran nga si Banal uban ang mga ALA boxers nga morepresentar sa nasud sa ‘Pinoy Pride XVII molarga karong Huwebes paingon sa Manila diin adto usab tapuson ang ilang training.
Uban ni Banal nga moaway sa maong boxing card batok sa mga langyaw'ng boksidor mao sila si Rey 'Boom Boom' Bautista, Jason 'El Niño' Pagara ug Michael 'Bruce Lee' Domingo. (BANAT SPORTS)