Rulls Bakeshop, ACP Megabond subha'g daog

 CEBU, Philippines - Nag-wild  si  Alan Yu  diin  mipabuto kini'g 22 puntos aron giyahan ang Rulls Bakeshop nga mipilde sa Ballaholic, 85-75 sa  2012 Lapu-Lapu Sports Club (LLSC) basketball tournament sa miaging gabii didto sa Crown Regency gym sa Lapu-Lapu  City.

Dili sayon ang giagiang kalbaryo sa Rulls Bakeshop kay sa pagsugod pa lang nabiyaan na kini hangtod sa third period. Sa fourth quarter na sila nakaapas dihang mipauwan og mga puntos si Yu ug ingon man sa maayong pagkontrolar sa duwa sa   ilang pointguard nga si King Celis.

Gawas ni Yu, sila si Joven Tempurada ug Edwin Amistad pareho sab mikadlit og double figures. Si Tempurada mitikdol og 19 puntos, samtang si Amistad mitimbre og 12 puntos alang sa kadaugan sa Rulls ni Rupert Cañizar.

Ang Ballaholic team owner nga si Noli Paquibot maoy nangulo sa iyang koponan nga miposa og 13 puntos.

Sa laing duwa, ang ACP Megabond ni Neil Belga gisugat usab og daog pinaagi sa pagpilde sa RoRo Transport ni Roilan Sumilang sa iskor nga 80-76.

Gipangulohan ni Jhon Damolo ang kadaugan pinaagi sa iyang 19 puntos, gisundan ni Belga nga adunay 18 puntos ug Robert Tibodan nga milarot og 14 puntos.

Sila si Nilo Bentain ug Robert Lomongo mao usab ang  nangu sa pilderong RoRo Transport nga mikamada og 19 puntos matag usa.

Ang ACP Megabond ug Rulls Bakeshop parehong nagtangag og 1-0 nga baraha ning maong torneyo nga gipaluyohan ni Rolly dela Pieza.

 PUNTOS MATAG USA

Unang duwa:

ACP MEGABOND (80) - Damolo 19, Belga 18, Tibodan 14, Arac 8, Velasquez 7, Tampus 5, Belo 5, Hesalta 2, Oyao 2

RORO (76) - Bentain 19, Lomongo 19, Ybañez 10, Modena 9, Medina 6, Aparente 6, Lapiña 5, Soroño 2, Poro 2, Sumilang 2

Ikaduhang duwa:

RULLS BAKESHOP (85) -  Sepe 22, Tempurada 19, Amistad 12, Celis 8, Lachete 6, Yurag 6, Oyao 6, Cortes 3, Cinco 3, Pardillo 3 (BANAT SPORTS)