CEBU, Philippines - Banatan na karong adlawa ang Philippine Institute of Public Accountants (PICPA)-Cebu Chapter Invitational Chess Tournament didto sa Metamorfose area sa J Centre Mall sa A.S. Fortuna street, dakbayan sa Mandaue.
Matag koponan langkuban og upat ka magduduwa ug usa ka reserved player. Kinahanglan usab nga adunay usa ka CPA ang moduwa ug laing babayeng miyembro matag koponan.
Ang registration fee ning duha ka adlaw nga kompetisyon nagkantidad og P1,500 matag koponan.
Ganting salapi ang giandam alang sa mga mananaog ning duha ka adlaw nga kompetisyon.
Ang kampiyon mobulsa og P10,000 ug tropeyo, ang second placer makadawat og P5,000, samtang ang third makaangkon og P3,000. (BANAT SPORTS)