Bakbakan sa Talamban

 CEBU, Philippines - Aduna gyu'y matumba sa sangka tali nila ni undefeated ALA bantamweight prospect Albert Pagara (12-0, 9KOs) ug veteran knockout artist Marvin Tampus (27-15, 18KOs) sa main event sa "Bakbakan sa Balamban" karong gabii didto sa  Mayor Exasperanza Binghay sa Balamban, Cebu.

Gawas sa Pagara-Tampus fight, masaksihan usab sa mga boxing fans ang usa ka special exhibition bout tali sa duha ka ALA Boxing Gym lightweight stars nga sila si Jason 'El Niño' Pagara ug Jimrex 'Executioner' Jaca.

Kini ang ikaupat nga sangka ni Pagara karong tuiga, ang labing uwahi mao ang "unanimous decision" niya nga kadaugan batok ni Alvin Makiling sa undercard sa Pinoy Pride XV didto sa Waterfront Cebu City Hotel and Casino sa miaging bulan.

Sa iyang bahin, si Tampus tinguha nga mobangon sa tuyo nga mabuhi ang iyang boxing career.

Si Tampus katapusang miaway niadtong Marso diin gitumba dayon siya  ni Michael Domingo sa first round.

Sa supporting bouts, si Mharjhun Macahilig (15-2, 9KOs) makigharong ni Gerpaul TI Yamagata Valero (11-13, 7KOs), samtang si Mark Bernaldez (6-0, 4KOs) makigbinukbukay ni Ranie Pamatian (6-12, 1KO).

Mokompleto sa fight card nga gipasiugdahan sa ALA Promotions ug West Cebu Industrial Park Association mao ang sangka nila ni Roma Rate batok Sherwin Caday, Crispin Parba batok Jeffrey Segara ug crowd favorite Jojo 'Flash' Intor batok Johnrey Lontiong.  (BANAT SPORTS)