Run for Community Empowerment mosikad

CEBU, Philippines - Gatosan ka running enthusiasts ang mohugop karong buntag diha sa Fuente Osmeña rotunda sa pagsikad sa "Run for Community Empowerment" nga gipasiugdahan sa Bag-ong Sugbu Foundation Inc.

Gawas sa Cebu runners, modagan usab ang mga sakop sa urban poor communities, pipila ka mga tinun-an ug mga miyembro sa non-government organization.

Ang lumba gibahin sa tulo ka kategoriya -- 10K, 5K ug 3K fun run.

Ang lumba gilusad alang sa pipila ka mga programa sa Bag-ong Sugbo Foundation Inc. sama sa feeding programs, urban gardening, IT program ug micro businesses sa kabarangayan nga sakop sa maong organisasyon.

Gisuportahan usab kini sa Abante Barangay Movement, Urban Poor Alliance ug Cebu Coalition for Food Security. (BANAT SPORTS)