12th CESAFI semis sugdan karon

CEBU, Philippines - Nagunang duha ka koponan University of the Visayas (UV) Green Lancers ug Sacred Heart SchoolAteneo de Cebu (SHSAdC) Magis Eagles laraw nga mokulit og daog batok sa tagsatagsa nilang kaatbang sa pagsugod sa semifinal round sa 12th Cebu Schools Athletic Foundation Inc. (CESAFI) basketball event karong adlawa diha sa Cebu Coliseum.

Ang duha ka koponan pulos miharos atol sa elimination round.

Ang UV Green Lancers ni coach Felix 'Donbel' Belano Jr. makigtakus sa No. 4 seed ug defending champion University of Cebu (UC) Webmasters sa main game sa alas6:45 sa gabii.

Nakasulod ang UC Webmasters sa semis human makaeskapo bitbit ang 7776 nga kadaugan batok sa University of San Carlos (USC) Warriors sa miaging semana.Walay laing tuyo karon ang UV Green Lancers kun dili ang pagposte na sab og daog human nila gipilde ang UC Webmasters, 8680 atol sa una nilang panagbagat.Aron matuman ang ilang pangandoy, ang UV Green Lancers sa gihapon magsalig ni 6foot7 Nigerian recruit Steve Cerdick Akomo uban nilang Eman Calo, Rene Jun Saycon, Jerome Silva, Phil Mercader, Chris Perolino ug John Michael Abad.Sa ilang bahin, ang UC Webmasters ni coach Roel Gomez maglaum sa abilidad nilang Brian Heruela, threepoint shootout king Kim Gomez, Robinson Mohammad, Kido Cabrera, Kevin Quilantang, Jan Michael Auditor, Benick Sealana ug Gil Wagas.Sa juniors division, ang topranked SHSAdC Magis Eagles   nagtinguha sab nga usban ang fifth seed Cebu Eastern College (CEC) Dragons, kinsa ila na sab gipilde sa elimination, 7161 niadtong Agosto 10.

Gipangulohan ni Henric Dawn Ochea, ang juniors AllStar MVP niadtong Domingo, ang SHSAdC Magis Eagles ginsakpan sab sa mga talentado ug batanong magduduwa sama nilang Arc Gabriel Arawaraw, Rendell Thomas Senining, Miguel Competente, Jair Igna, Fletcher Criss Galvez, Felixberto Jaboneta ug Arnie Padilla. Ang CEC Dragons, kinsa mihimo'g historic championship run niadtong 2010, mosandig nilang Alfons Alvizo, Michael Lorenzo Balankig, Manuel Grijaldo, Mark Vincent Berdera, Richmond Bulibuli, Kent Vincent Moral Dominic Yap ug Julius David Zosa. BANAT SPORTS