Panalo nagpalakas ng tsansa sa Final Four, Generals binawian ang Altas

MANILA, Philippines - Bumangon ang Emilio Aguinaldo College mula sa isang 17-point cdeficit para talunin ang University of Perpetual Help System Dalta, 73-71, at makasilip ng pag-asa sa Final Four sa 88th NCAA basketball tournament kahapon sa The Arena sa San Juan City.

Nagsalpak ang Ge­ne­rals ng season-high 15 triples, kasama dito ang anim sa fourth quarter, la­ban sa Altas.

May 5-8 record nga­yon ang EAC katabla ang Mapua at Arellano sa ilalim ng nagdedepensang San Beda (10-2), San Sebastian (10-3), Jose Rizal (8-4), Perpetual (8-5) at Letran (7-6) kasunod ang St. Benilde (4-9) at sibak nang Lyceum (2-11).

Umiskor si Jan Jamon ng 20 points na tinampukan ng kanyang anim na triples para sa Generals.

Maliban kay Jamon, si­nagip rin nina John Ta­yong­tong at Franz Chiong ang EAC nang magtangkang makabawi ang Perpetual sa dulo ng final canto.

Nabigo ang Altas na duplikahan ang kanilang come-from-behind 72-71 win kontra sa Generals noong Hulyo 28 nang su­mablay ang tangkang tres ni Jett Vidal sa pagtunog ng final buzzer.

Naglista si sophomore Earl Thompson ng 17 points, 7 boards, 5 assists at 4 steals para sa Perpetual, ibinaon ang EAC sa 54-37 sa third period, samantalang tumapos si Vidal na may 15 markers.(Russell Cadayona)

EAC 73- Jamon 20, Paguia 11, Tayongtong 10, Monteclaro 6, Happi 6, Morada 5, King 5, Chiong 5, Yaya 3, Sanchez 2, Munsayac 0.

Perpetual 71- Thompson 17, Vidal 15, Allen 13, Omorogbe 10, Alano 8, Paulino 3, Arboleda 3, Jolangcob 2, Babayemi 0, Elopre 0.

Quarterscores: 14-15; 33-41; 50-56; 73-71.