CEBU, Philippines - Ang bowling tournament nga gipasiugdahan sa Cebu Chamber of Commerce and Industry (CCCI) himuon na karong adlawa diha sa SM City-Cebu Bowling Center.
Sugdan ang kompetisyon sa alas-10 sa buntag ug mahuman sa ala-1 sa hapon.
Ang kalihukan tipik lamang sa mga serye nga sports activities nga giumol sa Sports and Recreation Committee of the Membership Development Division sa CCCI sugod ning bulan sa Septiyembre.
Suportado sab kini sa OPASCOR, Fluor Daniel, Chamber of Customs and Brokers, Soonest Global, VECO, Myuan Properties ug Philhealth. - BANAT NEWS