CEBU, Philippines - Ang Oasis of of Love-Cebu Batch '55 mopasiugda og lumba sa dagan nga uloha'g "Race for Faith" sa Septiyembre 9 nga manukad ug matapos didto sa Cebu International Convention Center (CICC) grounds sa Mandaue City.
Dul-an sa 2,000 ka runners ang gilauman nga mosalmot sa lumba nga magsilbeng fund raising event alang sa umaabot nilang mga seminars ug ubang kalihukan sa Batch '55 sa Oasis of Love-Cebu organization.
Ang lumba gibahin sa 14K, 5K ug 3K categories.
"Originally 10K ra among giplano nga labing taas nga category, pero amo ning gihimo og 14K tungod usab sa request sa mga runners nga mas gusto og dugang challenge," matud pa ni race director Joel Juarez atol sa senemanang SCOOP Forum didto sa Baseline Restaurant kagahapon.
Ang top three finishers lang sa 14K ug 5K categories ang makadawat og ganting salapi ug medalya.
Ang registration fee nagkantidad og P250 sa 5K ug 3K, samtang P280 alang sa 14K libre na ang singlet ug snacks.
Ang dili mobuot og singlet mobayad lang og P150.
Mahimong magparehistro sa RUNNR sa Ayala Center-Cebu, CCTN Channel 47 Station ug Cebu City Sports Center (CCSC).
Ang deadline gitakda sa Septiyembre 4. - BANAT NEWS