Stream, Convergys nakasulod sa semis sa CSCC E-League

CEBU, Philippines - Gipalagpot sa defending champion Stream Ingenyouity ug Convergys Wolves   ang tagsa-tagsa nilang kaatbang aron moabante sa conference semifinals sa Sun Cellular-presented 8th CSCC E-League basketball tournament niadtong Domingo didto sa City Sports Club-Cebu gym.

Ang Stream milubong sa Qualfon Knights, 74-54, samtang ang Convergys miluglog sa 1&1 Marauders, 100-69.

Ang reigning MVP nga si Sylvester Millevo miposa og 13 puntos aron pangulohan ang Stream nga kalit nanginit sa second quarter.

Human magtabla, 17-all paghuman sa first period, ang Stream milusad og 18-11 run aron moposte og 35-28 nga bentaha sa halftime. Sukad niadto kontrolado na sa Stream ang duwa aron moposte og 21 puntos nga kadaugan.

Sa laing bahin, ang Convergys yano kaayong mikulit og daog dihang ilang gilubong og 31 puntos ang 1&1 Marauders.

Si Ellison Rivera mipabuhagay og 26 puntos. Nakakuha sab siya og suporta gikan nilang Emmanuel Auman nga miburak og 18 puntos.

Midaog sab ang Odusee Rooz pinaagi sa paglubong sa Accenture Sharks, 91-76.

Ang duha subling magsangka sa tinaktakay nga duwa sa Agosto 25 diin ang modaog moabante sa semifinal round.

Puntos matag usa

Unang duwa:

Convergys (100) - Rivera 26, Auman 18, Mabanto 10, Villarin 9, Tapic 8, Mora 7, Cipres 7, Cleopas 6, De Leon 5, Caparoso 4

1&1 (69) - Santos 17, Basanez 14, Timagos 10, Andrino 9, Rosales 6, Ralloma 4, Camposo 3, Nuneza 2, Cuizon 2, Andrino 2

Ikaduhang duwa:

Odusee (91) - Abrantes 38, Abellanosa 12, Cadiz 11, Cabilino 9, Igot 8, Downey 4, Degoro 4, Cue 3, Macaraya 2

Accenture (76) - Loreto 16, Ong 14, Llanos 13, Suerte 12, Saballa 7, Baguio 4, Buligan 4, Natavio 3, Tamboboy 3

Ikatulong duwa:

Stream (75) - Millevo 13, Galicia 9, Castaneda 8, Ratilla 7, Bibera 7, Recla 6, Alquilos 5, Lucero 5, Mancao 4, Cajuelan 4, Quintana 4, Egay 3

Qualfon (54) - Jacaban 14, Enriquez 10, Barbon 8, Perez 8, Gelbolingo 6, Operiano 5, Edano 3- (BANAT)