Greywolves gipanitan sa junior Webmasters

CEBU, Philippines - Gipanitan og maayo sa University of Cebu (UC) Junior Webmasters ang mas gagmay nga Don Bosco Technology Center (DBTC) Junior Greywolves, 88-38 sa ilang duwa kagahapon sa 12th Cebu Schools Athletic Foundation Inc. (CESAFI) basketball event didto sa Cebu Coliseum.Si Juan Miguel Gastador, anak sa kanhi UC player Julius Gastador maoy nangu sa Junior Webmasters sa iyang 19 puntos samtang sila si Virson Orquez ug Andrey Armenion nagkumboya og 31 puntos.

Sa kasamtangan ang Junior Webmasters pabiling walay pilde uban sa defending champion University of the Visayas (UV) Baby Lancers nga parehong nagbitbit og 2-0 nga baraha.

Bugtong si Arvin Ando lang ang miiskor og double figures alang sa Junior Greywolves pinaagi sa iyang 12 puntos.

PUNTOS MATAG USA

UC (88) - Gastador 19, Orquez 16, Armenion 15, Dacalos 10, Alerta 8, Paon 6, Dela Fuente 6, Igloria 4, Menina 2, Makasiar 2

DBTC (38) - Ando 12, Matias 9, Cruz 6, Geralidizo 3, Ortega 3, Araras 3, Aliganga 2 - BANAT NEWS