CEBU, Philippines - Gibati og gamay'ng kabalaka si ALA Boxing Gym founder Antonio 'Bidoy' Aldeguer ngadto sa iyang boksidor nga si Jason 'El Niño' Pagara.
Si Pagara makigsangka ni Mexican Rosbel 'Lobito' Montoya sa main event sa "Pinoy Pride XV: Philippines vs. Mexico-The Rematch" sa Agosto 18 diha sa Waterfront Cebu City Hotel and Casino.
Matud ni Aldeguer nga dakung risgo ang pagparang pagbalik ni Pagara ngadto ni Montoya, kinsa mipilde sa ALA prospect sa una nilang panagbagat niadtong Septiyembre 10.
"Risky gyud ni nga away," matud pa ni Aldeguer. "Pero we must do this to prove to the public that we have the credibility by making this big fights and fights like this will be good for Philippine boxing."
Atol sa public workout sa miaging gabii didto sa SM- Consolacion, ang 24-anyos nga si Pagara anaa na sa saktong kondisyon ug andam na kini sa away. (BANAT NEWS)