CEBU, Philippines - Sa tuyo nga makakuha og pundo alang sa charity patients, ang mga doktor sa Visayas Community Medical Center mopasiugda sa labing una nilang VCMC Value Charity Make A Change Run karong Septiyembre 2 sa Parkmall, Mandaue City.
Ang fund-raising event gipasiugdahan sa VCMC Association of Residents and PGIs uban sa suporta sa Junior of Chamber International (JCI)-Mandaue ug Womandaue.
Gilauman sa organizers nga moabot sa 2,000 runners ang mosalmot sa lumba.
Gawas sa ganting salapi, ang top three finishers sa tulo ka kategoriya makadawat sab og medalya.
Ang registration fee nagkantidad og P500 sa 21K, P300 sa 12K ug P250 sa 6K ug 3K fun run. Mahimong magparehistro sa RUNNR sa Ayala Center-Cebu, Ice Castle sa SM City-Cebu ug Raintree Mall ug sa VCMC.
Alang sa dugang mga detalye sa maong lumba, kontaka lang si Dr. Kaye Eribal sa 0922-8259587.