USC Baby Warriors, 2-0 na sa 12th CESAFI

CEBU, Philippines - Mikulit sa ilang ikaduhang daog ang University of San Carlos (USC) Baby Warriors dihang gilubong nila ang University of Southern PhilippinesFoundation (USPF) Baby Panthers, 96-85 sa nagpadayong 12th Cebu Schools Athletic Foundation Inc. (CESAFI) kagahapon didto sa Cebu Coliseum.

Ning pagsulat, padayon pa nagduwa ang nine-time champion University of the Visayas (UV) Green Lancers ug USPF Panthers alang sa una nilang sangka sa torneyo.

Gihuptan na sa Baby Warriors ang kasamtangang liderato sa juniors division bitbit ang 2-0 nga baraha. Ang Baby Warriors unang mikulit og daog pinaagi sa pag-ihaw sa University of San Jose-Recoletos (USJ-R) Baby Jaguars, 120-54 niadtong Domingo.

Kanunay naglabaw ang Baby Warriors diin miposte kini sa labing daku nilang labaw   20 puntos sa uwahing bahin sa second period. 

Si Jerd Niño Pillares maoy nangu sa Baby Warriors sa iyang 26 puntos, samtang si Edwin Jhun Villarta mao sab ang nangu sa Baby Panthers sa iyang 23 puntos.

PUNTOS MATAG USA

USC (96) - Pillares 26, Suelto 14, Bulan 13, Sotes 11, Piad 8, Antigua 7, Adlawan 6, Malazarte 5, Ortega 3, Osabel 3

USPF (85) - Villarta 23, Patalinghug 20, Gahi 9, Batoon 9, Estremos 8, Reynes 6, Belande 5, Ouano 3, Isok 2  - BANAT NEWS