Muñoz talo kay Weidman sa UFC

MANILA, Philippines - Isa na namang mandirigmang Pilipino ang bu­magsak sa kamay ng isang hindi pa natatalong dayuhan sa laban.

Pero, sa pagkakataong ito, kapani-paniwala ang ta­gumpay.

Hindi tulad ng kon­trober­syal na panalo ng un­defea­ted na Amerikanong bok­singero na si Ti­mothy Bradley, Jr. laban sa Filipino boxing champ na si Manny Pacquiao noong Hunyo, pinatunayan ni Ulti­mate Fighting Championship (UFC) middleweight Chris Weidman na siya ang tu­nay na kampeon laban kay Filipino Mark Muñoz sa kanilang laban noong Hul­yo 11.

Walang dudang si Weid­­man ang mas mahusay sa dalawa sa kanyang pag­­kaka-TKO kay Muñoz sa unang minuto at kalahati ng ikalawang round.

Ito ang kanyang pang li­mang sunod na panalo sa UFC.

Mayroon na siyang 9-0 record.

Inamin naman ni Muñoz, galing lamang sa ope­rasyon sa siko at injury sa mga daliri sa paa, na nasorpresa siya sa husay ni Weidman.