CEBU, Philippines - Dili momenos 50 ka riders dinhi sa Sugbu ug sa ubang mga dapit sa Visayas ug Mindanao ang gilaumang mopakita'g aksiyon sa 1st Mayor Robburt Librando Invitational Motocross sa Hulyo 22 didto sa lungsod sa Badian.
Ang multi-titled nga si Jon-Jon Adlawan maoy usa sa mga nag-unang riders ang giatngan ning usa ka adlaw nga kompetisyon.
Mga kategoriya nga tigian mao ang expert, peewee, mini, novice, intermediate ug executives.
Ang lumba sa Badian magsilbeng preparasyon sa mas daku nga kompetisyon sa Hulyo 29 diha sa South Road Properties (SRP). (BANAT SPORTS)