LAS VEGAS--Nilintanya ni Manny Pacquiao ang mga Biblical habang ginagawa niya ang skipping rope sa napakainit na bo-xing gym na pagmamay-ari ng Top Rank.
Ito ang huling araw ng workout para kay Pacquiao na nakatakdang idepensa ang kanyang hawak na WBO welterweight title bukas laban kay Timothy Bradley sa MGM Grand.
Magaang, mabilis at bukas sa mga bisita ang naturang final workout ni ‘Pacman’.
Ilang fans ang naghihintay kay Pacquiao sa labas kasama na ang isang matanda na mula sa Las Vegas na dinala ang kanyang mga anak at isang oversized pair ng boxing gloves.
Sa paglabas ni Pacquiao buhat sa gym at bago siya sumakay sa kanyang Navigator, pinirmahan niya ang golden gloves na mas malaki pa sa throw pillows.
Isang dalaga galing sa California ang may hawak ng framed picture nina Pacquiao at Freddie Roach. Napapirmahan rin niya ito.
Ang nasabing gym, binuksan noong 1989, ang dating pinagsanayan nina world champions Sugar Ray Leonard, Oscar dela Hoya, Floyd Mayweather Jr., Lennox Lewis at Miguel Cotto.
Si Pacquiao ngayon ang pinakamalaking customer.
Natapos na ang training na nagsimjula dalawang buwan na ang nakararaan sa Baguio City, ang summer capital ng PIlipinas.
Si Roach ang namahala sa workout na tinampukan ng ilang rounds ni Pacquiao sa mitts, shadow boxing at abdominal exercises.
Alam ni Pacquiao na tapos na ang pagsasanay nila at hindi na siya humingi ng karagdagang oras kagaya ng kanyang nakaugalian.
“Ready na,” sabi ni Pacquiao.
“Everything’s great. We’re a hundred percent ready,” wika naman ni Roach.
Mula sa gym, nagtungo si Pacquiao sa kanyang hotel suite. HIndi pa siya masyadong nakakapagpahinga, pero ang kanyang Bible studies ay magsisimula sa alas-5 ng hapon.