Convergys, Sykes, Eperformax midaog sa E-league

CEBU, Philippines - Milusad og mainitong opensa sa unang-tunga ang Convergys Wolves aron lumsan ang 1&1 Marauders, 74-46 sa 8th CSCC E-League basketball tournament nga gipasiugdahan sa Sun Cellular didto sa City Sports Club-Cebu gym.

Mirehistro si Kristian Tapic og 17 puntos, uban ang upat ka rebounds, duha ka assists ug duha usab ka steals, samtang si Ellison River miambit og 15 puntos uban ang season-high pito ka steals alang sa Convergys nga miposte og 14 puntos nga bentaha paghuman sa unang 10 minutos sa duwa, 28-14.

Si Ibhar del Mar mitimbre og 12 puntos, lima ka rebounds, lima ka assists ug tulo ka steals alang sa Convergys nga miinat sa ilang labaw ngadto sa 22 puntos sa halftime, 44-22.

Ilang gitapos ang duwa pinaagi sa paglusad og 17-11 run aron morehistro og 28 puntos nga kadaugan.

Bugtong si Raymond Basañez lang ang miiskor og double figures alang sa 1&1 pinaagi sa iyang 15 puntos uban ang lima ka rebounds.

Sa laing duwa, si Mark Jeffrey Baello mipupo og 16 puntos ug si Floyd Dean Singco miani og 12 puntos alang sa ePerformax Reds nga mibuntog sa Xlibris Publishers sa iskor nga 66-54, samtang ang Sykes Pioneers naka-eskapo bitbit ang 70-68 nga kadaugan batok sa Lexmark Stallions.

Si Martin Ian de Guzman maoy nangulo sa Xlibris nga miburak og 15 puntos, gisundan ni Sergs Al Go Bui nga adunay 13 puntos.

Sa laing bahin, si Jan O'Niel Sahilan mihipos og 16 puntos, lima ka assists ug upat ka steals, samtang sila si Gerald Bien Galarido ug Frederick Montelibano nagkumboya og 30 puntos alang sa Sykes nga gipangulohan nilang Franco Angelo Cipriano ug Mervin Balansag nga nagkumboya og 43 puntos.

PUNTOS MATAG USA

Unang duwa:

Convergys (74) - Tapic 17, Rivera 15, Del Mar 12, Yam 7, Mora 7, Caparoso 5, Auman 4, Villarin 3, Española 2, Mabanto 2

1&1 (46) - Basañez 15, Santos 8, Bastida 7, Talan 6, Mahilum 6, Buot 2, Rosales 2

Ikaduhang duwa:

Sykes (70) - Sahilan 16, Galarido 15, Montelibano 15, Diotay 11, Ontal 3, Pal 2, Sultan 2, Te 2, Umabong 2, Lepardo 2  

Lexmark (68) - Cipriano 22, Balansag 21, Pia 7, Ariate 4, Lanzaderas 4, Ofonda 3, Pos itos 3, Tiempo 2, Saycon 1, Divinagracia 1

Ikatulong duwa:

ePerformax (66) - Baello 16, Singco 12, RD Tan 9, Ruiz 8, Benlota 6, Arceo 3, MV Tan 3, Nebria 3, Paredes 2, Agua 2, Alob 2

Xlibris (54) - De Guzman 15, Go Bui 13, Agustin 9, Revantad 5, Tan 3, Callego 2, Moralde 2, Melgar 2, Quirante 2, Salcedo 1 (BANAT SPORTS)