Park N' Go, Water Market sa Power 40 finals

CEBU, Philippines - Pan ug tubig ang mag-abot sa kampiyonato sa Power Forty President’s Cup basketball tournament didto sa Inayawan Sports Complex karong   Martes.

Ang Park N' Go Bakeshop ug ang Water Market parehong midaog atol sa semifinals aron maoy mag-abot sa finals.

Gipukan sa Park ‘N Go ni El Presidente Romy Rama ang Ang Tibay Mo, 113-105, samtang   Water Warket milumos sa UTASSCO Utility ni Atty. Flor Yosores, 97-94.

Si Wilbur Cabrera mihaling og 30 puntos aron pangulohan ang Park N' Go, gisundan ni Eric Abatayo sa iyang 20 puntos. Samtang ang Ang Tibay Mo gipangulohan sab ni Fernando Sumargo pinaagi sa iyang 39 puntos, si Edwin Dejacto miamot og 31 puntos ug si Cesar Gaviola mitampo og 15 puntos.

Sa laing duwa, unom sa pito ka players sa Water Market ang mirehistro og double figures sa pagpangulo ni Caloy Lim nga adunay 18 puntos. Ang UTASSCO gipangulohan ni Teddy Ebrado pinaagi sa iyang 28 puntos, samtang sila si Yosores ug Michael Veloso nagkumboya og 29 puntos. 

PUNTOS MATAG USA

Unang duwa:

Park ‘N Go (113) - Cabrera 30, Abatayo 20, Misa 16, Tabar 12, J. Rama 9, Lisondra 9, Espinosa 4, Ramil 3, R. Rama 2

Ang Tibay Mo (105) - Sumargo 39, Dejacto 31, Gaviola 15, Mabalcon 8, Abasolo 8, Samson 2, Chiong 2, Dejarme 1

Ikaduhang duwa:

Water Market (97) - Lim 19, Eleguin 18, Arias 17, Libre 16, Ungria 13, Ozon 10, Labajo 2

UTASSCO (94) - Ebrado 28, Veloso 15, F. Yosores 14, Nacional 11, Echavez 10, Yu 8, Vernaiz 4, Yosores 2, Nunez 2  (BANAT SPORTS)