Sweep asam ng Road Warriors

MANILA, Philippines – Walisin ang lahat ng laro sa eliminations ang balak gawin ng NLEX habang agawin ang ikalawang awtomatikong puwesto sa semis ang nais naman ng Big Chill sa pagtatapos ng PBA D-League Foundation Cup elims ngayon sa Treston Gym, Taguig City.

Kalaban ng two-time defending champion Road Warriors ang Boracay Rum sa alas-4 ng ha­pon.

Hindi naman basta-basta bibigay ang Waves na kailangan ang panalo para maokupahan ang huling puwesto sa quarterfinals.

Nasa solo ikaanim na puwesto ang bataan ni coach Lawrence Chongson sa 3-5 baraha ngunit isang kabiguan ang magtutulak sa kanila tungo sa maagang bakasyon.

Katunggali naman ng Big Chill ang RnW Pacific Pipes sa unang bakbakan sa ganap na alas-2 ng ha­pon at must-win sila para makumpleto ang hanga­ring samahan ang NLEX sa semifinals. (ATan)