KIA motors naka-ipsot

CEBU, Philippines - Gisalbar sa beteranong si Floyd Taboada ang Kia Motors/CIT-U Wildcats human niya mapasulod ang krusyal kaayong drive sa katapusang 5.7 segundos aron moiskor og 78-76 nga kadaugan batok sa San Marino Corned Tuna/USPF Panthers niadtong Huwebes sa gabii sa pagsugod sa quarterfinals sa 6th CESAFI Partner’s Cup didto sa Cebu Coliseum.

Ang Kia Motors miabante og labing menos 17 puntos, 56-39 sa ulahing bahin sa second period.

Bisan pa sa maong labaw, nakahimo gihapon ang San Marino sa paggukod sa fourth quarter. May purohan pa unta silang modaog, apan misipyat si Joseph Sedurifa sa iyang marka bahala nga three-pointer. Hinuon, nakatabla ang San Marino, 86-all pinaagi sa buzzer-beating jumpshot ni Jonas Misa sa nahabiling 24.8 sa duwa.

Apan napugngan ang ilang rally kay ang Kia Motors miarangkada dayong hipos og daog.

 Si Axel Rabaya maoy nangu sa Kia Motors sa iyang 12 puntos, samtang silang Taboada ug Allan Dimco mipasada og 10 puntos matag usa.

Ang pilderong San Marino gipangulohan ni Sedurifa, kinsa mibugha og 19 puntos, gisundan ni Joshua Corcilles sa iyang 10 puntos. Si Fritz Dajalos napugngan lang sa siyete puntos.

PUNTOS MATAG USA

KIA Motors/CIT-U (78) - Rabaya 12, Taboada 10, Dimco 10, Brigoli 9, Menguito 8, Pono 6, Graf 6, Baclaan 4, Sanchez 4, Tabalin 3, Taghoy 2

San Marino/USPF (76) - Sedurifa 19, Corcilles 10, Meca 9, Camello 9, Dajalos 7, Banate 6, Misa 4, Diapera 4, Sollano 2, E. Ferraren 2, J. Ferraren 2, Alviva 2 (BANAT NEWS)