Pacman miabot na sa LA
Gidumog dayun sa mga boxing fans ug US media si Pinoy boxing champion Manny Pacquiao kinsa miabot na sa Los Angeles kagahapong adlawa.
Si Pacquiao magsugod na karong semanaha sa iyang training camp didto sa Wild Card Gym alang sa iyang preparasyon sa iyang June 9 fight batok ni Tim Bradley.
Alvarez naglisud ni Mosley
Daghan ang nakurat dihang naglisud pagpilde si WBC light middleweight champion Saul Alvarez ni veteran Shane Mosley kagahapon didto sa MGM Arena sa Las Vegas .
Si Mosley giisip nga underdog sa maong away apan mipakita kini og nindot nga labok og milahutay hangtud sa round 12 batok sa mas bata ug kusgan nga si Alvarez.
Khan dakug puruhan ni Floyd
Gibutyag sa Golden Boy Promotions nga daku og kahigayunan nga ang British boxing superstar nga si Amir Khan maoy sunod nila nga iparang ni Floyd Mayweather.
Hinuon kinahanglan usa nga modaug si Khan sa ilang rematch ni Lamont Peterson alang sa IBF/WBA light welterweight title karong Mayo 19 didto sa Las Vegas .
- Latest
- Trending
