Bradley sugud nag sparring

Wala magpauwahi si undefeated Tim Bradley tungod kay human madunggi ang sparring session ni Manny Pacquiao, nagsugod na usab kini sa iyang pakig-spar didto sa Estados Unidos.

Si Bradley nakig-spar nila ni kanhi lightweight champion Julio Diaz, light welterweight prospect Andre Sherard ug Eric Fowler. 

Melindo, Servania milarga na

Mibiyahe na paingun sa kaulohan ang mga ALA boys nga sila si Milan Melindo ug Genesis Servania aron adto manukad sa ilang ensayo alang sa ‘Pinoy Pride 14’.

Sila si Melindo ug Servania undercard sa WBO light flyweight title defense ni Donnie Nietes sa Hunyo 2 didto sa Resorts World Manila. 

Ex-sparmate ni Pacquiao daog

Milampos na usab ang kanhi sparmate ni Manny Pacquiao nga si Shawn Porter kinsa mipalambo sa iyang record ngadto sa 19-0, 14KOs.

Ang light middleweight prospect nga si Porter mipatumba ni Patrick Thompson sa sixth round didto sa Atlantic City .