Mga tang-an mag-abot na sab Cebuana Lhuillier tennis tourney

CEBU, Philippines - Mag-abot na usab ang mga banggiitang tennis players sa nasud sa 2012 Cebuana Lhuillier Tennis Tournament nga gikatakda sa Abril 14-21 diha sa Baseline Sports and Recreation Center.

Usa sa moduwa mao ang Philippine Team member nga si Johnny Arcilla, kinsa modepensa sa iyang trono sa singles ug doubles event.

Laing mga dekalibreng Pinoy netters nga mosalmot naglakip nila ni Onyok Anasta, Rolando Ruel, Jr., Patrick John Tierro, Ronard Joven, Jurence Mendoza, Alex Lazaro, Kim Ivor Saraza, Arcie Ma±o, Mark Anthony Alcoseba, Roel Capangpangan, Juvan Divinagracia, Arvin Ruel ug Antonio Sagansay.

Ang Sugbuanong si Israel 'RJ' Abarquez moduwa usab human siya nasulod sa top 16 hulip ni Ralph Kevin Barte.

Si Abarquez maoy rank No. 20 sa Philippine Tennis Association (PHILTA).

Sugdan ang qualifying round karong weekend, samtang masayran na ang numero sa mga partisipante sa main draw ugmang adlawa.   - BANAT NEWS