Khan nabalaka alang ni Pacquiao
Gipadayag ni kanhi British champion Amir Khan ang iyang kahingawa alang sa iyang higala nga si Manny Pacquiao kinsa moaway ni Tim Bradley sa Hunyo 9 didto sa Las Vegas.
Si Khan nagkanayon nga nabalaka siya tungod sa hugaw nga duwa ni Bradley kinsa iyang gihulagway nga kusug mogamit og head-butt.
Ex-sparmate ni Pacquiao pilde nasab
Nasugamak na usab ang kanhi sparmate ni Manny Pacquiao nga si Jorge Linares kinsa napilde pinaagi sa knockout ni Sergio Thompson didto sa Mexico .
Si Linares maoy nagsilbeng sparmate ni Pacquiao atol sa pagpangandam niini sa fourth fight batok ni Juan Manuel Marquez niadtong miaging tuig.
Impresibong pagbalik ni Pavlik
Gisugat og impresibong kadaugan si kanhi light middleweight champion Kelly Pavlik kinsa midaog sa iyang comeback fight batok ni Aaron Jaco.
Si Pavlik mipatumba ni Jaco sa katapusang 45 segundo sa second round.
- Latest
- Trending
