Grand & Jae miposte ikaduhang daog sa FYA

CEBU, Philippines - Ang Grand & Jae mikulit sa ilang ikaduhang sunod-sunod daog pinaagi sa pagpilde sa Simple Likes Barbecue Haus, 79-78 sa 4th F. Llamas Youth Association (FYA) basketball tournament didto sa Brgy. Tisa gym.

Sa laing duwa, ang undermanned nga CMK Trading mipakgang sa ilang duha ka sunod-sunod nga pilde dihang midaog kini batok sa Leo Lauron, 99-87.

Si Medalle, ang kanhi USJ-R Baby Jaguar, maoy nangu sa Grand & Jae sa iyang 26 puntos lakip na ang tulo ka triples sa final period, samtang ang kanhi UC Webmasters nga si Daniel Enriquez miabuno og 16 puntos.

Si Ryan Villaver maoy topscorer sa Simple Likes nga mibugha og 30 puntos.

Sa laing bahin, sila si Dondon Cadungog ug Shun Cal maoy nangu sa CMK Trading sa ilang 23 ug 20 puntos matag usa alang sa 1-2 nga baraha.

Ang   Leo Lauron (0-2), gipangulohan ni Onyot Masongsong, kinsa miposa og 29 puntos. Nakakuha sab siya’g suporta nilang Jaz Sydinongco ug Raul Cueme nga pulos sab miposte og double figures. 

PUNTOS MATAG USA

Unang duwa:

Grand & Jae (79) - Medalle 26, Enriquez 16, Torrelisa 12, Codilla 10, Baldago 7, Arreglo 4, Cañete 4

Simple Likes (78) - Villaver 30, Dumaguit 15, Alcueno 14, Medalle 6, Ramoneda 6, Lañojan 4, Jacalan 2, Zapanta 1

Ikaduhang duwa:

CMK Trading (99) - Cadungog 23, Cal 20, Medalle 16, Mangmang 16, Avila 14, Tabar 12

Leo Lauron (87) - Masongsong 29, Sydiongco 17, Cueme 16, Jaencanto 15, Balo 8, Malicay 4  (BANAT SPORTS)