Globe Run for Home GIlusad

CEBU, Philippines - Ang mga Cebuano running enthusiasts may kahigayonan na sab sa pagtabang ngadto sa atong kaigsuonan nga walay pinuy-anan ug ubang charitable institutions pinaagi sa pag-apil sa Globe Run for Home nga gikatakda sa Marso 25 didto sa Cebu International Convention Center (CICC) sa Mandaue City.

Kini ang ikaupat nga edisyon sa maong lumba, apan labing una nga gipahigayon dinhi sa Sugbu.

 "Gusto po naming makasama ang aming mga customers dito pati ang mga partners at beneficiaries namin," matud pa ni Yoly Crisanto sa Globe Corporate Communications atol sa press conference kagahapon didto sa City Sports Club-Cebu (CSCC) sa Cebu Business Park.

Ang mga beneficiaries nga napili naglakip sa Gawad Kalinga, Habitat for Humanity Philippines, Cebu Biodiversity Conservation Foundation ug Philippine Tarsier Foundation.

Lima ka kategoriya ang naglatid sa maong lumba ug kini mao ang 21K, 15K, 10K, 5K ug 3K fun run.

Ang registration fee nagkantidad og P700 alang sa 21K, libre na ang time chip, race bib ug finisher medal. Samtang P600 sa 15K, P500 sa 10K, P400 sa 5K ug P300 sa 3K ug libre na sab ang mga singlet.

Gisugdan na ang registration diha sa Globe sa Paseo de Ciudad sa first level sa Ayala Center-Cebu ug sa online registration sa www.globe.com.ph/run.  (FREEMAN)