Talk 'N Text Makakatapat Ang Meralco

MANILA, Philippines - Matapos ang ma­ta­gum­pay na pagdedepensa sa PBA Philippine Cup title, si­simulan naman ng Talk 'N Text ang pagtatanggol sa ka­nilang Commissioner's Cup crown.

Haharapin ng Tropang Texters ang sister team na Meralco Bolts nga­yong alas-5:15 ng hapon kasu­nod ang labanan ng Po­werade Tigers at Rain or Shi­ne Elasto Painters sa alas-7:30 ng gabi sa 2012 PBA Commissioner's Cup sa Cuneta Astrodome sa Pa­say City.

Tinalo ng Talk 'N Text ang Powerade, 4-1, sa ka­nilang best-of-seven championship series para sa pag­dedepensa ng kanilang PBA Philippine Cup.

Ipaparada ng Tropang Tex­ters si import Omar Has­san Samhan bukod pa kina 2011 PBA Most Valua­ble Player Jimmy Alapag, Kelly Williams, Jayson Castro, Ranidel De Ocampo at Ryan Reyes katapat si­na Jarrid Famous, Mac Car­dona, Sol Mercado at Asi Tau­­lava,

Ang 6-foot-11 na si Sam­han ay produkto ng St. Mary's College sa Califor­nia, USA kung saan nagta­pos si Ali Peek at naglaro pa­ra sa Dallas Mavericks sa NBA Summer League ngu­nit hindi siya nakuha sa fi­nal line-up.

“We’ve just had four prac­tices with our import,” sa­bi ni Talk ‘N Text coach Chot Reyes kay Samhan.

Nanggaling naman ang Bolts sa 105-83 pag­lampaso sa Petron Blaze Boosters noong Miyerkules

Matapos matalo sa Talk 'N Text, umagaw ng eksena ang Powerade nang lumitaw ang tangkang pagbebenta ng prangkisa nito sa San Miguel Corporation bu­kod pa sa pagdadala kay Fil-Am rookie Marcio Las­siter kapalit nina Nonoy Baclao at Rey Guevarra.

Ipaparada ng Tigers si import Dwyane Jones ka­­tuwang sina Lassiter, Ga­­ry David, Sean Anthony, Doug Kramer at Celino Cruz.

“We have to be careful not to put to waste what­ever gains we have achieved last conference,” ani Powerade mentor Bo Pe­­rasol. “The reality is we ha­ve to battle every game. We had our best performance the last time only because we fought hard and we struggled as one.”

Nanggaling ang Elasto Painters sa 102-109 pag­katalo sa Alaska Aces no­ong Pebrero 12.