Partial list sa NBTC Top 20

CEBU, Philippines - Gibutyag kagahapon ang   partial list sa mga high school players nga maglangkob sa Top 20 All-Star sa Seaoil-National Basketball Training Center (NBTC) Elite League.

 Hinuon, dili pa kini official tungod kay padayon pa ang botasyon.

Sa napiling Top 20, walo ang gikan sa Sacred Heart School-Ateneo de Cebu (SHS-AdC) Magis Eagles ug walo sab gikan sa University of the Visayas (UV) Baby Lancers, duha ang gikan sa University of San Carlos-North Campus ug tag-usa gikan sa University of Southern Philippines Foundation (USPF) Baby Panthers ug sa Cebu Eastern College (CEC) Dragons.

Ang kinadak-ang nakuha og boto kagahapon mao ang SHS-AdC top gunner nga si Aaron Sing, kinsa adunay 478 votes, kauban niya ang pito ka teammates nga sila si Dave Wilson Yu (384), Henry Asilum (378), Patrick Nigel Go (334), Jair Igna (329), Thomas Senining (323), Julius Cadavis (322) ug Henric Dawn Ochea (227).

Ang napili gikan sa kampo sa Baby Lancers mao si Earl Undaloc nga adunay 329 botos, nagsunod si Nelson Peralta (327), Dexter Lucero (316), Mateo Oche (258), Peter Paul Calumpang (205), Reeve Ugsang (182),   MVP Andres Paul Desiderio (164) ug Jerald Fernandez (162).

Si Rey Arnejo sa USC-North adunay 243 botos ug ang iyang teammate nga si Lorenzo Piad nakakuha og 134 botos aron malakip sa Top 20.

Si Justin Remedio sa USPF nakakuha’g 199 botos ug si James Neil Sumayang sa CEC nakahipos og 171 botos.  (BANAT SPORTS)