WBC's Sulaiman mitambag ni Pacman

CEBU, Philippines - Gitambagan ni World Boxing Council president Don Jose Sulaiman si WBO welterweight champion Manny Pacquiao nga dili isipon nga sayun nga kontra si undefeated Timothy Bradley sa ilang sangka sa Hunyo 9 didto sa Las Vegas.

Lahi sa panahom ni Hall-of-Fame trainer Freddie Roach kinsa nahadlok sa hugaw nga istilo ni Bradley, si Sulaiman nagkanayon nga mismo ang talagsaong abilidad sa amerikanong boksidor ang makahatag og suliran ni Pacquiao.

Gawas sa kaagresibo ni Bradley, bilib usab kaniya si Sulaiman tungod sa kalig-on niini og maantigo kini nga musawo og mga makusug nga kumo.

“Bradley’s style is going to be very tough for Manny, He is very fast, a good boxer and can take a punch,” matud pa ni Sulaiman.

Sa laing bahin, ang Canadian adviser ni Pacquiao nga si Michael Koncz mitug-an nga mas daku ang kitaon ni Pacquiao sa maong away itandi sa miaging sangka niini batok ni Juan Manuel Marquez niadtong miaging tuig.

Si Pacquiao posibleng mudawat og kapin sa $25 million batok ni Bradley mas daku itandi sa iyang $22 million nga nakuha sa ilang rematch ni Marquez. Gikan sa   boxingscene. com