9th Thirsty Football Cup sugdan karon

CEBU, Philippines - Makalingaw nga aksiyon ang masaksihan karong weekend dihang ang 9th Thirsty Football Cup nga dunganon pagduwa karong adlawa didto sa University of San Carlos-Technological Center (USC-TC) field sa Talamban, Cebu City ug sa San Roque Parish football field sa Brgy. Subangdaku, Mandaue City.

Gawas sa Little Azkals, ang presensiya sa kanhi RP Team members Yani Bersales, Jeruzel Tonog ug Edmundo Mercado Jr. maoy molamas sa duha ka weekend nga kompetisyon.

Ang tulo moduwa sa Erco FC sa 36-above division. Sila sab ang pambato sa Philippine Air Force Phoenix.

Sa laing bahin, ang Little Azkals ni coach Oliver Colina, mopakita'g aksiyon sa boys 14-under division.

Adunay 321 ka koponan moapil sa torneyo nga giisip labing daku nga football event sa Pilipinas.

Ang mga out-of-town entries naglakip sa out-of-town entries include CIE-Tacloban, Football Association SA Masbate, Bethel Eagles-Tacloban, Olles FC sa Bukidnon, Foundation University-IYS Peace, Mapfre, Liceo de Cagayan, Ormoc, Simples Dreamkix, HCA Tubigon, Club Futboleras, Footbelle United Club, Jeralp Ronquello ug University of St. La Salle-Bacolod.

Mohatag sab og labad sa ulo sa mga Sugbuanon mao ang team gikan sa Iligan, Einsten, Libertad, UP-SMB sa Leyte, Futbol Sociedad de Tacloban, Masbate City Football Club, FC 95 Wildbars, Asenso Siaton, Tagbilaran ug Los Membros sa Tacloban.  (BANAT SPORTS)