Living Word, ACES 2-0 na sa FCABL

CEBU, Philippines - Ang Living Word Christian Church (LWCC) ug ang Athletes for Christ through Evangelical Service (ACES) mipukan sa ilang tagsa-tagsa ka kaatbang aron moposte og 2-0 sa ilang tagsa-tagsa ka dibisyon sa Fellowship of Christian Athletes Basketball League (FCABL) didto sa Living Word gym ug sa SHS gym.

Ang Living Word mikulit sa ilang ikaduhang sunod-sunod nga daog pinaagi sa pagpilde sa Cebu Bethel Temple (CBT) sa 35-above division, 60-51, samtang ang ACES mipukan sa Praise Cathedral, 63-50 sa 34-below.

Ang Aces ni coach Al Solis nagtabla karon uban sa Bradford United Church of Christ Inc. (BUCCI), Bible Baptist Church (BBC) ug sa Bradford United Church of Christ in the Philippines (BUCCP) nga parehong adunay 2-0 win-loss records.

Sa laing duwa sa 35-above, ang Christian Workers Basketball Association (CWBA) sa katapusan nidaog na gyud sud sa duha ka duwa human gipaluhod ang Couples Living Word (CLW), 94-88.

Ang torneyo gipaluyohan sa Nissi Academy of Lapu-Lapu City, Far East Medical Equipment ug Psalms Properties.

PUNTOS MATAG USA

Unang duwa:

CWBA (94) - Navarrete 19, Rudinas 18, Alocillo 16, Cimafranca 16, Cresencio 11, Mongas 7, Prochina 7, Eguia 6, Estolas 2

CLW (88) - Bacus 36, Allan 16, Couples 12, Delos Reyes 11, Pastor 6, Claracay 5, Navarrete 2, Hendrix 1

Ikaduhang duwa:

ACES (63) - Milloren 16, Filoteo 15, Subang 7, Quintana 6, Vicente 4, Buencosejo 3, Cabellon 2, Panerio 2, Ceniza 2, Guillen 2, Rosito 1

Praise Cathedral (50) - Sergeant 10, Uy 9, Gonzales 8, Ro. Miro 6, Perona 5, Racaza 4, Estoce 4, Ry. Miro 4  (BANAT SPORTS)